味千拉麵

Open Now

Now Closed

N年冇食過味千拉麵，細個屋企附近有味千，都食過一兩次，不過嗰時味千相對其他食店黎講唔算平，所以都唔會成日食，自從近年越黎越多日牌拉麵黎香港開店，都會想試下新野。而家因為冇晚市堂食，想食拉麵都只可以外賣，見味千外賣拉麵可以加$3轉發熱包，就算外賣都可以食倒熱辣辣嘅拉麵，就黎試下。六點laste order，今日咁啱喺附近做完野先趕得切黎。外賣自取布八折，等左大約10分鐘就拎得。叫左個拉麵、小食同野飲。拉麵同湯包係分開。拉麵外盒就有教大家點樣整熱辣辣嘅拉麵。打開拉麵盒，裡面係分左上下兩格，上面放左拉麵同配料，下面係發熱包。要發熱包發熱，首先要拆開發熱包出面個膠袋先，之後就加水去到外盒指定嗰條線度，水唔可以蓋過發熱包，之後就將湯包倒入拉麵入面，放返好拉麵，再閂返埋盒蓋焗佢幾分鐘就得。海鮮拉麵($58) - 拉麵入面有蝦、魷魚、蟹柳、帆立貝、粟米同雜菜，都算足料，我另外加左兩片叉燒($12)。拉麵我要求要硬少少，都真係唔會太腍，叉燒偏肥，所以入口好滑。雖然以前覺得味千嘅拉麵唔平，但十幾廿年過去，佢嘅價錢又冇想像中加咁多，講味道或者佢及唔上其他人氣日牌拉麵，不過價錢平成半，平平地過下口癮都唔錯。