心夜來潮 (Closed)

呢間係食潮州嘢嘅，最出名應該係佢個自己揀料嘅潮州粥，我之前都嚟過食過幾次，所以唔叫粥啦，一於叫下啲小炒嚟試吓。呢個炒秋葵超高質，佢送到黎嘅時候仲係啱啱整好吱吱聲。秋葵嘅份量有超多，炒得好香，味道都啱啱好，唔會太鹹。至於呢個小炒王，佢除咗有啲蝦喺度之外，仲有啲炸白飯魚、炸芋頭絲、八爪魚、腰果等等。一啖食落去有幾種口感，韭菜好爽口，以炸魚白飯魚同埋芋頭絲又硬硬地脆脆地咁，食落口感好豐富。我哋又叫咗另外一道菜，呢個係豆角茄子炒豬頸肉。啲豬頸肉一啲都唔un，加埋茄子同豆角一齊炒好夾。