至尊重慶雞煲 (創興廣場)

Open Now

Now Closed

天氣凍冰冰，好適合食個雞煲打個邊爐。旺角呢間至尊重慶雞煲今次已經係第三次食，佢價錢又唔貴，食物質素又唔錯。入座之後就食左雞煲先，由於我朋友唔係好食得辣，所以叫左bb辣。雞煲上得好快，啲雞肉吸曬啲汁，而且肉質好嫩。但我更鍾意食入面啲洋蔥🧅食完雞煲咁就梗係打邊爐啦，打邊爐都係叫大路野，例如菜、響鈴、牛肉、豬肉個d一定唔少得。啲菜一上到黎，我就已經好心急落曬落個煲度。打邊爐梗係要爭分奪秒哈哈哈😆同埋好值得一講嘅係，呢間鋪頭嘅飲品櫃好大，好多飲品選擇。鍾意飲啤酒嘅又可以飲啤酒。到埋尾，一定要食埋個雪櫃，雪糕櫃都有好多種唔同類型嘅雪糕可以選擇，我揀咗玄米茶味🍵茶味濃