十十四川料理 (Closed)

同朋友行完街係Yoho食埋晚飯，係餐廳區行咗一轉見呢間餐廳樓底好高好舒服，於是揀咗呢間食川菜嘅餐廳，夏天食川菜係特別過癮嘅。全部前菜都好吸引辣子肥腸唔係好食得辣嘅我哋，見到大大窩紅卜卜嘅肥腸放上枱覺得好震撼，肥腸外脆內軟，比炸大腸更香口更惹味，而且薯條吸引咗香料嘅香味，好香好脆，必食推！酸菜魚魚片啖啖肉，肉質嫩滑唔腥，食完個嘴麻麻哋，連續食連頭皮都得麻麻哋認真過癮，少辣嘅辣度食開十少辣嘅我覺得啱啱好，配料十分豐富，大量豆芽、酸菜、菇、萵荀同闊薯粉，豆芽萵荀好爽口，薯粉煙靱都唔錯。泡椒魚皮第一次涼拌魚皮好有新鮮感，魚皮切成一條條絲，似食緊好爽脆嘅冷麵，而且完全唔腥。糖拌蕃茄糖拌蕃茄係想像到嘅味道，由於點咗幾樣嘢都重口味，點個糖拌蕃茄中和下，酸酸甜甜嘅蕃茄可以清一清味蕾，解除油膩。黑糖椰汁芋圓冰粉芋圓煙韌，整體甜度適中，黑糖椰香好夾好出，冰粉晶瑩通透好彈，可以消除重口味嘅油膩感，夏天食好消暑。士多啤梨冰冰粉表面鋪滿乾菓同麥片脆脆，色彩繽紛，士多啤梨乾同山楂餅嘅酸甜味令到冰粉好開胃，可以解除油膩感。百香果梳打 +楊枝甘露沙冰兩杯嘢似都好開胃，食重口味嘢必點