醬缸韓國料理 (Moved) New Location

我之前食過呢度既醬油蟹覺得好唔錯，甚至比韓國有間專食醬蟹更好，可能貼近港人口味，不過今次想試既係熱食，估唔到都唔錯Lunch簡單咁叫左兩樣野首先要提既係我個人覺得韓國菜最緊要係辣湯，而海鮮辣豆腐湯係我最愛！❤️去親新地方，都一定會點呢個湯試試呢度既辣湯都算辣，頭幾嗒湯我都淨係飲到辣味海鮮包括蝦，魷魚，蜆，係我食過咁多間嚟講，未算多料，豆腐都算多可能個湯熱啦，凉返少少之後，開始飲到鮮味同韓國既湯比較，都似韓國飲個啲既另外點左炸醬麵，我想講係香港真係好難揾到一個似韓國咁好食既炸醬麵，一係太咸，一係太燶，好難形容不過醬缸既炸醬麵係好食麵唔會太淋，個醬又唔會太咸太kit，甜甜地有淡淡既醬油味，配脆肉瓜粒同肉粒，我覺得係香港嚟講，呢個係唔錯，我可以一個人食哂一碗飲埋我最愛既梨汁，perfect