愛 . 添 (Closed)

其實住屯門除左會去龍門居掃街，仲有去紅橋食甜品🍮！而呢間甜品鋪由開鋪至今，好出名既梳乎厘pancake🥞 同埋窩夫，晚晚都排哂隊緊係要試下啦！梳乎厘pancake 今次叫左綠茶紅豆！pancake 好鬆軟，蛋味超濃👍🏽👍🏽有一種入口即溶既感覺刺激味蕾！厚度可以話係熱香餅加厚十層！好軟熟既感覺😌好似令個人融入左蛋漿禁🤤🤤食過幾間呢啲梳乎厘pancake 呢間可以話好好食！可以唔想比綠茶紅豆搶左做主角，綠茶cream 並唔多，但夠濃味！讚👍🏽 珍珠奶茶窩夫，窩夫平時都食唔少，珍珠奶茶味就好少見😲窩夫都好有蛋味，珍珠更與窩夫漿混在一起！唔會將窩夫同珍珠分開！加埋啲奶茶cream 好正！原來珍珠奶茶同窩夫可以好夾！好有創意，好食🤤🤤🤤呢間既梳乎厘pancake 同窩夫並不是普普通通搵錢既甜品鋪！好有心思😍相信未來會創造更多新口味同新食物黎滿足顧客既口腹之慾🤤🤤整體黎講店舖內地方唔多但同朋友一齊食下甜品吹下水就好好👍🏽而且食物好好食！可以滿足口腹之慾🤤而且店員見到有位置會安排顧客坐得更舒服😌會由細枱轉大枱，好讓坐得舒適吹得開心食到美味🤣