德興酒家

Open Now

Now Closed

呢排見天氣凍凍地又係打邊爐嘅好時間，朋友約咗我地去尖東一間火鍋海鮮酒家度打邊爐，佢話呢度又抵食又冇計時間，咁我哋就可以一路食嘢一路傾計啦。我哋揀咗個海底椰豬筒骨煲，成個煲入面都好多材料，真係有成條豬骨係入面，味道好香。出面仲有啲嘢食可以拎，咁你就唔駛等可以直接食啦。佢基本上好多嘢食都可以叫，雖然選擇唔算好多，但係都夠你食嘅。呢個係牛胸油，即係牛橫膈膜入邊嘅一層，味道好爽口，而且又有牛肉味。呢個就係串海蝦，蝦好生猛，而且味道好爽口彈牙，絕對好值得食。而且呢度地方好大，所以容納到好多人比較熱鬧，所以大家氣氛都好高漲。