龍德樓 (Closed)

今日咁啱黎開何文田做野，就順便喺度買埋野食番屋企。勝利道有好多寵物店，行行下見到有間叫「龍德樓」嘅中菜館幾啱我胃口就決定試下啦！見到餐牌有煲仔飯，冬天食煲仔飯是常識吧。就嗌個「金針雲耳滑雞飯」($78)好欣賞佢用錫紙兜裝住，保溫。番到屋企食重熱辣辣，勁正！滑雞真係夠滑，雖然講出黎好似廢話，但真係雞有雞味！金針雲耳嘅份量好多，夠足料！金針同雲耳都好爽口！入面重有紅棗粒，令飯有好香嘅紅棗味～雖然個飯唔係用煲仔裝但唔會太腍，近錫紙邊有少量飯焦，重保留到煲仔飯嘅風味！👍🏻另外嗌左碟小菜送飯。「豉椒味菜鮮魷」($80)係令我喜出望外嘅一道菜！估唔到幾好味喎！味菜切得夠薄，爽脆冇渣，酸酸甜甜重有少少辣，好滋味呀！😋另有洋蔥、青椒同紅椒做配菜。魷魚質地挺身夠新鮮，爽口脆身。今日呀媽唔煮飯又冇煲湯，好想喝啖靚湯潤一潤啊。原來呢度都有湯嗌！嗌左兩個湯。是日燉湯($28)有淮山、紅棗同藥材，好補身呀～杏汁菜膽燉白肺($28)依家有新冠肺炎，飲呢個湯就可以保肺，啱晒！豬肺爽口冇臭味。唔係太鍾意杏仁陣味，但呢個湯杏仁味較淡，恰到好處！👍🏻見佢重有用以鮑魚做主角嘅菜式。雖然係外賣，但都要食好d！就嗌個「鮑魚花膠