阿爺八鮮鍋

Open Now

Now Closed

$398有齊刺身，雞煲，海鮮，燉湯，打邊爐任食。一上場就會先嚟一個燉湯，俾個壺你自己倒入個杯入邊飲，鮮甜濃郁。刺身就要like個社交平台 ，有五種刺身，品質唔錯。雞煲方面，我哋揀咗個花膠雞煲，份量合適，啱晒打個底之後再打邊爐。最欣賞係個海鮮拼盤，有龍蝦，蟹，蟶子，帶子，鮑魚同埋蝦。蟹同龍蝦都有好多膏，其他海鮮都幾新鮮。火鍋任食用九宮格裝住幾得意，每款質素都唔錯，特別值得一叫嘅係紫菜響鈴，同出邊食嘅響鈴唔一樣，大大條鮮炸另外A4豆腐只食落好似腐皮，但係又有豆腐嘅質感幾得意，龍躉同蠔仔嘅質素都唔錯。