Video
Read full review
2007-09-07
鐵板200 (鐵板燒又燒) 夜晚同L 食餐飯, 去左沙田新城市廣場, 本想去地下新開foodcourt 試試, 不過比七樓間鐵板200 引左入去, 地方都幾大, 橫跨幾個鋪位, 都好多人食。至於好唔好食? 又睇落去?三文魚刺身: 穩鎮野, 新鮮既! 可唔可以切個腩黎yoh?劍魚腩壽司, 飛魚子壽司, 帶子壽司:H 呢個價錢黎講, 大家千祈唔好叫! 我都好少咁樣叫大家唔好叫! 信我...好彩我地唔係叫左好多壽司呢...鐵板燒雞扒湯拉麵:扒真係燒過既! 因為食到炭味呢! 味道好普通...香蔥蒜粒薄牛肉卷: 終於有一樣係可以用好味黎形容! 因為係問個待應有咩好推薦既其中一樣! 其實我想將呢味菜做呢篇blog 誌cover, 可惜影得太暗post 唔到幅相出黎...個牛肉卷燒得好香, 加上d 香蔥蒜粒好惹味, 就算牛肉薄chit chit 都好好味!大阪長戶厚燒帶子魷魚燒餅: 待應另一推介, 燒餅分兩種餅, 一款係大阪長戶厚燒, 一款係廣島明石薄燒。沙津醬, 魷魚, 帶子(好似唔覺有...) 青口, 蟹棒絲, 麵粉同蛋, 味道都...可以既, 愛黎頂肚啦!近睇係咪好似好味呢...其實...食完
夜晚同L 食餐飯, 去左沙田新城市廣場, 本想去地下新開foodcourt 試試, 不過比七樓間鐵板200 引左入去, 地方都幾大, 橫跨幾個鋪位, 都好多人食。至於好唔好食? 又睇落去?
三文魚刺身: 穩鎮野, 新鮮既! 可唔可以切個腩黎yoh?
劍魚腩壽司, 飛魚子壽司, 帶子壽司:H 呢個價錢黎講, 大家千祈唔好叫! 我都好少咁樣叫大家唔好叫! 信我...好彩我地唔係叫左好多壽司呢...
鐵板燒雞扒湯拉麵:扒真係燒過既! 因為食到炭味呢! 味道好普通...
香蔥蒜粒薄牛肉卷: 終於有一樣係可以用好味黎形容! 因為係問個待應有咩好推薦既其中一樣! 其實我想將呢味菜做呢篇blog 誌cover, 可惜影得太暗post 唔到幅相出黎...個牛肉卷燒得好香, 加上d 香蔥蒜粒好惹味, 就算牛肉薄chit chit 都好好味!
大阪長戶厚燒帶子魷魚燒餅: 待應另一推介, 燒餅分兩種餅, 一款係大阪長戶厚燒, 一款係廣島明石薄燒。沙津醬, 魷魚, 帶子(好似唔覺有...) 青口, 蟹棒絲, 麵粉同蛋, 味道都...可以既, 愛黎頂肚啦!
近睇係咪好似好味呢...其實...食完埋單三百一。
環境:.5 (開放式廚房一眼睇哂, 食間分"室內""室外" 兩邊!)
衛生:正常...)
服務算helpful, 不過食到一半都無比杯茶我地...)
設計彩色MENU 清楚引人想食; 不過其中一張得白紙一張上面list 哂個set 龍蝦餐, 我諗咁plain 一張紙要收$488 唔會有好多人order woh! )
味道: 2.5除左食鐵板燒外, 其他唔使order, 尤其係壽司...差得很...)
價錢: 2 (劍魚腩壽司$38, 個厚燒餅$78, 個拉麵$??, 這個質素唔太合理吧...)
最終評分: 2.5) 如果真係要再食, 只order 鐵板燒可以了! 再去既機會視乎朋友會唔會提議yoh! 自己一定唔會去呢!
Post