黃金燒味 (Closed)

同朋友心血來潮突然想食燒味，就由出發去左銅鑼灣呢間算比較新開嘅黃金燒味，個裝修好貼題，夠晒霸氣！掛係鋪頭門口可以見到嘅燒鴨、乳豬，已經流晒口水，賣相好得！而餐廳嘅餐牌更加寫住「只做靚燒味」，都幾過癮～😄由於我同朋友有選擇困難症，老細見我地咁惆悵，好主動咁推介我地d選擇～落單態度好好，好友善好nice好有禮貌，好warm, 係人情味呀！最尾我地揀左個好抵嘅$208 二人套餐，包左燒味雙拼、是日蒸品、骨湯時蔬同老火湯，兩個人食夠晒豐富～✨燒味雙拼二人套餐可以任拼兩款餐廳嘅例牌燒味，好人性化～我地揀左瘦叉燒同牛展，好入味，feel到係新鮮製作，牛展都好正，我三扒兩撥就已經食哂，餸飯一流！不過摯愛撈叉燒汁嘅我覺得如果可以再多d叉燒汁會更加錦上添花，哈哈！✨拍蒜豉汁蒸鯧魚有驚喜！原本以為蒸鯧魚都好難有d咩特別之處，點知呢間嘅蒸鯧魚非常好味！鯧魚肉質好鮮嫩，份量都好夠大，調味都好足料，鋪滿晒蒜同姜條，撈埋d汁簡直一流！😍✨淮山杞子螺頭燉雞湯原本套餐包老火湯同白飯，我地轉左老火湯做呢個淮山杞子螺頭燉雞湯，套餐轉配都係加$25一位，但我覺得絕對抵，個湯好好飲，可以撈出雞件同螺頭、淮山等等配料，好滋補呀