金滿膳燒味餐室 (Closed)

同事話附近有間燒味餐室睇落普普通通，但食落又唔錯。甘啱諗唔到食咩好，就決定去試下。入到嚟一坐低睇餐牌已經覺得有好多嘢食揀，不過一個人又有啲飽，唔想食飯。見到佢哋有啲串燒都唔錯，所以就叫咗嚟試吓。韭菜$16佢哋嘅韭菜味超香濃，上面仲要加左啲調味粉，食落更加辣同惹味。錫紙焗金針菇$38一送到黎已經聞到好香嘅牛油味，可能因為用咗錫紙焗，牛油味滲透晒落金針菇入面，好鬼正。燒五花腩 $18跟住燒五花腩極之邪惡，五花腩嘅油脂燒完分泌哂出嚟，加上啖啖肉，我就係要呢啲🤪肥牛金菇卷$28肥牛仲要係串燒，仲正過打邊爐，享受到金菇嘅甜味以及爽脆的食感，又食到啖啖嘅肥牛，好食。