串酒里 (Closed)

今天跟朋友黎食食串燒飲飲粗口啤談談心過了愉快既一晚。飲酒食串燒真係一個好配搭。鹽燒松葉蟹腳($138)蟹腳肉質是結實而細嫩的，而且連殼燒了之後有陣陣的燒烤香味，而且蟹腳十分甜美的，即使是蟹腳但也有好多蟹肉，啖啖肉口感十分充實。黑松露燒扇貝($59)扇貝的肉質十分嫩滑，加上燒既時候放上了好多蒜蓉，蒜蓉燒完之後十分香及惹味，同埋有黑松露加強了味道，黑松露跟蒜蓉兩個濃郁既味道令到扇貝既鮮味更加突出，配搭出十分好的效果。蒜蓉燒茄子($45)成條茄子都鋪滿左蒜蓉，茄子燒完仍然保留左好多水份，茄子肉不會乾，加上濃郁既蒜蓉調味，令到茄子更加惹味，而且茄子好大條十分抵食。粗口啤($68)味道都幾獨特，不是出面可以搵到既口味，特別在食燒烤既時候飲到凍凍既啤酒就特別覺得清爽。