Video
Read full review
2024-05-05
1607 views
天口熱約咗朋友夜晚食泰國菜，間餐廳喺太子都近地鐵站出口。鋪面唔大，裝修幾泰國feel，好彩有打電話book位咁就唔使等嗱✌🏻燒豬頸肉 $85平時麻麻地鍾意食豬肉，因為容易又柴又乾身，但佢個豬頸肉真係燒得啱啱好，食落冧身但邊位香口，配埋佢個汁真係出色燒魷魚 $118以為得一條，但上到黎係滿滿一碟，份量多。魷魚又係燒得啱啱好，彈牙易咬👍🏻👍🏻個汁都好味，個人覺得辣左啲啲冬陰功海鮮面鍋 $168職員見我地3個女仔，點完呢三樣都提我地夠食家嗱，但冇諗過個面鍋大份到咁😂面份量唔少，海鮮有蝦、帶子、魷魚同蜆，個冬陰功湯底味道啱啱好，唔會太咸/太辣，幾開胃。野飲都好多選擇，不過我地叫左一人一個椰青😂 （$38each）埋尾叫左個細芒果糯米飯（$53）可以揀黑或白糯米，最後揀左白糯米飯。芒果同椰漿都幾清甜，糯米飯仲有啲微溫同軟糯🤤Ps 男店員都幾細心，見朋友要食藥會主動拎多杯水黎
天口熱約咗朋友夜晚食泰國菜，間餐廳喺太子都近地鐵站出口。鋪面唔大，裝修幾泰國feel，好彩有打電話book位咁就唔使等嗱✌🏻
燒豬頸肉 $85
平時麻麻地鍾意食豬肉，因為容易又柴又乾身，但佢個豬頸肉真係燒得啱啱好，食落冧身但邊位香口，配埋佢個汁真係出色
燒魷魚 $118
以為得一條，但上到黎係滿滿一碟，份量多。魷魚又係燒得啱啱好，彈牙易咬👍🏻👍🏻個汁都好味，個人覺得辣左啲啲
冬陰功海鮮面鍋 $168
職員見我地3個女仔，點完呢三樣都提我地夠食家嗱，但冇諗過個面鍋大份到咁😂
面份量唔少，海鮮有蝦、帶子、魷魚同蜆，個冬陰功湯底味道啱啱好，唔會太咸/太辣，幾開胃。
野飲都好多選擇，不過我地叫左一人一個椰青😂 （$38each）
埋尾叫左個細芒果糯米飯（$53）可以揀黑或白糯米，最後揀左白糯米飯。芒果同椰漿都幾清甜，糯米飯仲有啲微溫同軟糯🤤
Ps 男店員都幾細心，見朋友要食藥會主動拎多杯水黎
Post
