川燒 (Closed)

由於大家都算大食先從d簡單既入手。首先就叫左煙肉露荀卷,同煙肉車厘茄, 煙肉車厘茄都幾好食, 因為裹面有汁,而且煙肉都幾香。煙肉露荀卷反而比較少見, 但燒完之後露荀有少少乾身,不過又係另一種口味。之後就要開始食肉喇,燒豬頸肉,非常肥美,油脂好平均,都幾鬆化, 味道真係唔錯。之後就係一個免治雞肉球,比較日式既野,都唔錯,幾入味。之後就係一個雞軟骨都燒得幾香口, 雖然只係普通既雞軟骨串,但都幾好味既。燒洋蔥 - 我就唔太鍾意, 朋友話都幾好食,洗唔洗試下呢。之後又係一個日式青椒仔非常好食。日式青椒就比較細隻, 不過青椒既香味特別強, 而且佢仲有加少少木魚絲辟左陣怪味,感覺幾好。之後朋友就叫左一個燒菠蘿,燒完之後水份無少過,而且個菠蘿好甜,但依然有一定既酸度。