兄弟工房 (Closed)

同老婆去咗表妹屋企拜年，晚飯時間去咗京瑞廣場，呢度嘢食嘅選擇非常之多仲要大部份都唔係連鎖店，可以食啲有特色啲嘅嘢食。老婆喺門口見到兄弟工房嘅二人套餐非常抵食。二人套餐包餐湯沙律，再加兩個主食同埋兩杯茶。餐湯係南瓜湯，口感一流又唔會太咸。其中一份主菜就揀咗燒魷魚圈配墨汁意粉。魷魚圈非常爽口再加上墨魚汁意粉配搭一流。第二個主菜我哋就揀咗燒春雞，雞肉燒得唔錯外皮香脆，雞嘅質感又唔會太乾。最後我哋加咗$38再加左一個法式焦糖燉蛋。