Video
Read full review
2019-06-01
37 views
最中意係僻靜嘅地方搵好野食！今次呢間食燒海鮮嘅餐廳係係街尾轉角、周圍無咩人嘅位置。老闆係門口好熱情咁邀請我哋，咁就一於比個機會佢啦！舖頭望落似有返咁上下年頭，無咩裝修佈置，只有四、五張枱。牆身貼滿曬印住菜式嘅紙，仲要圖文並茂，方便大家諗食咩嘅時候做reference。太多選擇嘅情況下我通常就直接睇套餐但係二人餐有個燒安格斯牛仔骨，我唔食牛，隔離嗰個又唔想獨食，諗住轉軚散叫之際老闆好好人話幫我哋換做雞扒，咁就perfect叫個二人餐啦！皇牌二人套餐（特價$298）- 秘製蒜蓉燒西非八頭大虎蝦或招牌秘製蒜蓉燒扇貝皇本身應該只可以二選一，不過友善嘅老闆就比我哋每樣一隻試下。個扇貝同蝦嘅size都同手掌有得比，然後面頭有勁量嘅蒜！貪食小狗見到野食就即刻想拎起，結果剛燒好太熱辣親手指頭！好唔容易咁冒著熱咬一啖，雖然蒜好濃味，但都無蓋過海鮮嘅鮮味。扇貝同蝦都好厚肉彈牙，不過個人中意蝦多d，味道更加濃烈！- 秘製蒜蓉燒美國生蠔之前食咗咁多凍冰冰嘅生蠔，今次要食熱辣辣嘅燒蠔！面頭一樣有大量蒜蓉，熟蠔因爲縮水所以一定無生蠔咁大，但係佢燒得剛剛好所以就唔會縮太多，漲卜卜都幾厚肉，咬落好軟綿綿，而且保存到d
舖頭望落似有返咁上下年頭，無咩裝修佈置，只有四、五張枱。牆身貼滿曬印住菜式嘅紙，仲要圖文並茂，方便大家諗食咩嘅時候做reference。
太多選擇嘅情況下我通常就直接睇套餐但係二人餐有個燒安格斯牛仔骨，我唔食牛，隔離嗰個又唔想獨食，諗住轉軚散叫之際老闆好好人話幫我哋換做雞扒，咁就perfect叫個二人餐啦！
皇牌二人套餐（特價$298）
- 秘製蒜蓉燒西非八頭大虎蝦或招牌秘製蒜蓉燒扇貝皇
本身應該只可以二選一，不過友善嘅老闆就比我哋每樣一隻試下。個扇貝同蝦嘅size都同手掌有得比，然後面頭有勁量嘅蒜！貪食小狗見到野食就即刻想拎起，結果剛燒好太熱辣親手指頭！好唔容易咁冒著熱咬一啖，雖然蒜好濃味，但都無蓋過海鮮嘅鮮味。扇貝同蝦都好厚肉彈牙，不過個人中意蝦多d，味道更加濃烈！
- 秘製蒜蓉燒美國生蠔
之前食咗咁多凍冰冰嘅生蠔，今次要食熱辣辣嘅燒蠔！面頭一樣有大量蒜蓉，熟蠔因爲縮水所以一定無生蠔咁大，但係佢燒得剛剛好所以就唔會縮太多，漲卜卜都幾厚肉，咬落好軟綿綿，而且保存到d蠔汁
- 鹽燒日本鯖魚
平時我哋一定唔會叫燒魚食，但呢個魚令我哋有驚喜啊～魚皮燒到好香脆，而魚肉仲係好嫩滑，而且好有鮮味，加少少檸檬汁味道更加出呢！
- 蜜糖燒雞扒
燒雞扒算係比較普通啦，值佢皮薄肉嫩少脂肪係我嘅欣賞嘅！
- 孜然燒雞軟骨
孜然粉係串燒嘅好朋友，雞軟骨又點都唔會難食嘅......
- 清香翠肉瓜
同樣加咗孜然粉所以好惹味，要讚嘅係佢燒到表面金黃但咬開都仲有汁漏出黎架！
蒜蓉麻辣娃娃菜大蜆（$88）
老闆問我哋食唔食得辣，我哋話ok佢就介紹呢個比我哋，然後一試真係大推！佢個湯汁係會愈食愈上癮架！辣味嘅強度係條脷到不斷增加，但嗰種香係令你忍唔住要繼續食，留晒汗留晒鼻水都無問題d大蜆真係好大隻又好鮮，但我更加中意吸咗湯汁嘅娃娃菜～
依家舖頭做緊三週年優惠：1）惠顧晚市二人送虎蝦刺身，四人送三文魚刺身；2）惠顧宵夜88折；3）原價$68嘅鮮辣醬可以優惠價$28換購（雞扒旁邊碟醬係呢到嘅自家辣醬，超級惹味！我都買咗三樽）
Post
