炑八韓烤 (黃金廣場) (Closed)

早前有個朋友介紹我們有間韓國燒烤叫「炑八韓烤」都幾好，所以今晚我們去咗他們喺銅鑼灣黃金廣場嘅分店食晚飯！我們叫咗個頂級套餐「烤肉」、牛笑面、水冷麵、士多啤梨梳打、菠蘿梳打、藍天使同韓國士多啤梨冰沫！我們落咗單後個店員就攞咗沙律、泡菜、海帶同大豆芽菜等嘅餐前小食！炑八牛肋骨嘅牛味好濃，燒完之後嘅香味更加濃郁！牛小排腌得非常入味，肉質好嫩滑！厚切牛舌好爽口彈牙！厚切五花腩，店員教我們用生菜同白蘿蔔片包住五花腩一齊食，口感非常爽脆同清新，唔會有油膩嘅感覺！大蝦啖啖肉，肉質好彈牙，有專人幫我們燒，燒完仲幫我們起埋殼，真係好自在，係人生一大享受！大八爪魚非常爽口多汁，唔會太韌！水冷麵嘅麵質非常煙韌同爽滑彈牙！另有多款特式飲品！不過最令人推介嘅係甜品韓國士多啤梨冰沫，冰沫好幼滑，因為冰沫係由奶做成，所以有好香濃嘅奶味，味道好均勻！係本人嘅必食推介！