富泰燒烤樂園

Open Now

Now Closed

今日去到屯門嗰邊，同朋友燒烤揀咗個好平嘅場，我都冇諗過嗰度性價比可以咁高！由於臨近中秋佳節，已經有好多中國傳統嘅燈籠掛咗喺度，令成個燒烤場好有節日氣氛。我同朋友好肚餓出咗去出邊攞嘢食，發現佢啲凍肉全部都係獨立包裝，同一般嘅燒烤場好唔同，簡直夠晒衛生方便，呢邊嘅嘢食都包容萬有，有我最鍾意食嘅叉燒同燒賣，個火燒得好旺，我哋一燒就燒咗20幾粒燒賣，而且粒粒金黃色，脆中帶軟好香口，再加埋蜜糖就very good！去到尾聲仲可以燒埋麵包，啲麵包切到好薄，好易烘好啊。最後口渴每人都有一支水同埋一罐野飲，仲有我最鍾意我嘅沙士，平時喺出邊已經好似少飲到。