Video
Read full review
2023-10-10
1085 views
好耐之前喺荃灣見過哩間餐廳。當時有好多文介紹佢，係荃灣必食日文菜之一。近年，佢喺港島區都有分店啦，唔洗再去咁遠食。又係啲奇怪時間去食飯😂去到嘅時候大約4:30左右，得我同一對準備埋單嘅情侶。初頭諗餐廳會唔會要落場，好多日本餐廳中間時間都會休息，見佢俾我入去，就揀位坐。燒牛肉野菜鍋 ($98)野菜鍋好豐富有冬菇、金菇、芋絲、嗚門卷、獅子狗、椰菜、白蘿蔔。原本野菜鍋已經跟一碗白飯，想貪心啲可以upgrade 飯素飯，會有埋溏心蛋。平日會送埋汽水添🥤個湯底有啲中式粉麵加咗腩汁嘅湯🍲，唔係平時shabu shabu 嘅甜湯底。原來係用蔬菜煮嘅湯底，好清，唔油膩。我無睇清楚餐牌，原來唔係牛肉片，係牛肉，所以成個感覺都好唔日式。牛肉有6～7件，每件都大大件，啖啖肉。肉質好嫩，唔柴。將啲牛肉浸落湯度，吸埋湯嘅汁，幾好食。只係成件事好中式，味道係唔錯的😂食物份量好大，除咗牛肉份量多，配料嘅份量都好多，夾極都有。不過餐廳較大油煙味，啲衫會好吸味。餐廳人流唔多，門口附近又有工程，全程都唔多客人，但職員都好殷勤幫客人加水，好有禮貌。
當時有好多文介紹佢，係荃灣必食日文菜之一。近年，佢喺港島區都有分店啦，唔洗再去咁遠食。
又係啲奇怪時間去食飯😂
去到嘅時候大約4:30左右，得我同一對準備埋單嘅情侶。
初頭諗餐廳會唔會要落場，好多日本餐廳中間時間都會休息，見佢俾我入去，就揀位坐。
燒牛肉野菜鍋 ($98)
野菜鍋好豐富有冬菇、金菇、芋絲、嗚門卷、獅子狗、椰菜、白蘿蔔。
原本野菜鍋已經跟一碗白飯，想貪心啲可以upgrade 飯素飯，會有埋溏心蛋。
平日會送埋汽水添🥤
個湯底有啲中式粉麵加咗腩汁嘅湯🍲，唔係平時shabu shabu 嘅甜湯底。原來係用蔬菜煮嘅湯底，好清，唔油膩。
我無睇清楚餐牌，原來唔係牛肉片，係牛肉，所以成個感覺都好唔日式。
牛肉有6～7件，每件都大大件，啖啖肉。
肉質好嫩，唔柴。將啲牛肉浸落湯度，吸埋湯嘅汁，幾好食。
只係成件事好中式，味道係唔錯的😂
食物份量好大，除咗牛肉份量多，配料嘅份量都好多，夾極都有。不過餐廳較大油煙味，啲衫會好吸味。
餐廳人流唔多，門口附近又有工程，全程都唔多客人，但職員都好殷勤幫客人加水，好有禮貌。
Post
