燒肉酒場 (Closed)

烤肉是香港人近年特別喜歡的其中一種食法，無論鐵板烤肉、日式烤肉、韓式烤肉、網燒等等，都好受歡迎。位於銅鑼灣登龍街《燒肉酒場》有特色嘅成吉思汗烤肉，源自日本北海道。烤爐上洋蔥京蔥蘑菇圍邊，燒一段時間索滿肉汁勁香口。桂花烏龍水果茶~味道清新，食燒肉解一解熱氣。和牛西冷(120g)~和牛特色，含脂量特別高，入口即溶，勁多肉汁。橫膈肌~口感比較強，肉味香濃，兩面各燒十多秒就食得。蝦夷蔥羊卷肉~肥美的羊賣相吸引，羊肉騷味同捲住嘅葱都好夾。炭燒雞腿肉~唔係度度有得食，黑蚊蚊嘅炭汁沾滿每件雞肉，烤熟的雞肉都非常嫩滑。原條日本魷魚~先把整條魷魚放上烤爐，大概六七成熟捲起嘅時候剪開再燒多一會，時間剛剛好，烤得香口一啲都唔韌。韓式石煱牛肉飯~加入韓式辣醬撈勻，雞蛋香口，波菜夠滑，芽菜夠爽，牛肉滋味，仲有少少飯焦夠脆口。