本佐日本燒肉料理 (Closed)

今晚有朋友生日，book左位食燒肉放題。一入餐廳就見到個好大既刺身吧枱，仲有一枱枱正在燒烤既客人，但又唔會好大煙味。我地為左可以大聲傾計，所以揀左外面坐。外面既爐係用炭爐，非常有風味。環境好舒服，可以盡情喧嘩。一坐底侍應就放左個燒肉拼盤俾我地燒住先，在等d嘢燒緊嘅時候，我地立刻叫一堆刺身頂住肚先。刺身好新鮮，帶子好甜，三文魚好肥美，今晚淨係刺身都食左N轉。燒嘅海鮮都好新鮮，虎蝦好大隻，蠔，蜆都係一兜兜放在爐上煮。燒肉有好多選擇，有唔同嘅牛部位，又有唔同嘅醃料。我哋當然係每樣揀啲黎試。呢度嘅雞翼係開邊單骨，所以唔需要燒好耐就好快就熟啦，而且有唔同嘅味道任君選擇。呢度仲有炸物唔使自己燒，炸榴連球非常好味，一口番薯都好鬼甜。食到最後我仲有一人一個movenpick，真係飽到暈。