La Postre (Closed)

平時食開任食嘅，可能質素差會冇咁好，而且服務都唔係咁周到。而呢間單點嘅「金金日式燒肉」，就真係有返啲保證。環境方面，真係夠晒寬敞，完全唔會大髀貼大髀，裝修都好日式風格，而員工都非常之足夠，你一叫佢都差唔多即刻嚟。比較特別嘅係，叫咗個18cm五色胡椒牛胸腹，顧名思義真係有18 cm咁長，除咗燒嘅時候比較麻煩之外，佢嘅味道亦都非常之足夠，肉質食落都幾有咬口，唔會話好似落咗鬆肉粉咁，調味過後，都非常之惹味，仲幾多汁添！當然仲叫咗啲比較貴嘅牛，就係佐賀A4和牛里肌肉，油脂分布非常之平均，而且少一陣就得，千祈唔好燒到熟曬會浪費左隻牛。佢嘅油脂非常之多，食落非常之香，搞到你會想一舊接一舊。"