喜來稀肉 (Closed)

食燒肉當然會有唔少調味料及醬汁啦！前菜亦都係韓式燒烤嘅重要一環，當中有幾款唔同嘅開胃前菜，而每一款都有獨特嘅口味，有辣有酸，全部都係開胃嘅味道，完全打開食客既味蕾！當中呢款泡菜我非常推薦！坊間有好多都會浸到林晒，但係佢依然爽脆！而且味道都幾辣，食到非常過癮！爐邊嘅蛋邊亦都非常幼滑，而其中一格係放滿左蒜片，用嚟做生菜包非常合適！喜來烤肉～既然用得招牌來做菜式名稱，自然要有一定嘅水準！見到賣相係玫瑰咁，已經非常吸引，味道更加令我難忘！韓式海鮮拉麵～睇電視劇成日都見到主角食呢種麵，去到一間極具韓國特色嘅韓燒餐廳，當然要點啦！味道微辣，海鮮都幾新鮮同埋大隻，熱辣辣、好味道！