神燈燒 (Closed)

入嚟已經比嗰個藍色嘅阿拉丁吸引住，真係符合呢間餐廳嘅主題。入到餐廳，好涼爽，冇油煙味，位置好空曠，侍應亦都好有禮貌介紹點樣用QR code落單，非常方便。安格斯牛有好多唔同款式，有牛頸肩，封門樓，一口牛柳粒，自己最鍾意就係食牛柳粒。一啖一粒，好好味。仲有唔同嘅刺身，三文魚，吞拿魚，甜蝦，自己最鍾意就係食甜蝦，好新鮮！三文魚沙律，都有驚喜。估唔到佢個黑毛豬五花籃都好好食，真係令我流晒口水。水產方便，有我最鍾意嘅燒生蠔，連生蠔都可以入嗌，今次真係超級抵食！生蠔好新鮮。連埋蒜蓉，超級好食。小食方面，有雞翼，炸雞軟骨，炸雞塊，全部嘢都好好食。未講完，出邊仲有得自己拎嘢食，有關東煮，咖喱牛腩飯，中式湯，中華小食，例如八爪魚，仲有其他可以自己夾嘅東西，例如雞扒，牛丸，椒鹽雞翼，總之一定有樣嘢啱你食！甜品方便，佢竟然有特色嘢飲，例如珍多冰，涼粉冰，黑牛，其他餐廳都唔會有呢一個選擇。