校長燒肉日韓料理 (大埔廣場)

Open Now

Now Closed

大埔都好多嘢食，今日好想食放題，位於大埔廣場嘅《校長燒肉》是一個好選擇。朋友是地膽，呢間抵食又好食，仲要係勁多款式，相信唔係每個人一次可以試曬。沿途行入去餐廳門口會見到一些人咁高的模型公仔，打卡好位，店內大部分都係卡位，地方寬敞，坐得舒適。餐廳每部分都劃分得好清楚，飲品有大凍櫃，也有門口靠左嘅室溫飲品。熟食區有幾款炸物，也有多款中式小炒， 仲有小籠包、茶碗蒸、碗仔翅等點心，大人細路都啱食，心急肚餓嘅可以食住先。對面嘅壽司魚生區都好受歡迎，時不時會出新款壽司，魚生選擇都有五六款，有我喜愛嘅希靈魚。行到最入是烤肉區，肉類選擇應有盡有，最喜歡有幾款味嘅雞軟骨，呢個容易烤熟，可以快啲有得食，雞軟骨嘅鈣質好有益，雞翼都醃得好好入味，大家不妨試烤叉燒，辣牛肉片等等，燒烤區仲有兩款魚柳我都好喜歡，多春魚秋刀魚也容易燒，不得不提，餐廳採用牛油紙舖上鐵板，食物不易烤燶，燒到中途如果真係有需要店員可以幫忙更換牛油紙，不用次次更換鐵板，安全又方便，好貼心。最欣賞係仲有個小型火鍋，幾款湯底任你揀，仲有鴛鴦鍋選擇添，蔬菜用火鍋形式煮熟都比較健康，當然你都可以加幾塊肥牛做壽喜燒。甜品都未能一次過試曬，雜果布丁櫃我