校長燒肉日韓料理 (沙咀道) (Closed)

最近疫情反覆，多左時間在家工作，無得出街食晚飯，午市一樣精彩呢日同朋友去校長燒肉食放題，任飲任食2小時，燒肉＋火鍋，好好玩～～餐廳中央既冰櫃內，有唔同款式既肉類/蔬菜選擇，除大路的豬，牛，雞，魚外，仲有沙律，刺身，春卷，壽司，點心，熟食，糖水，甜品等……令人彷彿去了食酒店自助餐～朋友愛食肉，取了紅酒西冷扒， 黑椒牛扒一口牛肉粒，蒜蓉豬扒， 豬腩片，土匪雞翼等，放在鐵板上燒熟就食得～黑椒牛扒醃得惹味，入口充滿黑椒粒香氣肉質柔軟，唔會太辣，任食放題，真是喜歡食肉朋友既福音。蔬菜方面，有粟米，蟲草花， 冬菇，蓮藕，南瓜，芋頭等，簡單在湯鍋中煮熟，沾蒜蓉豉油食，有益又健康。將肥美既秋刀魚，多春魚放在鐵板上烤，吸收肉類既油分後，魚皮煎得份外焦香脆口。 秋刀魚雖多骨，但很鮮甜，食極唔厭。 這日的熟食亦有清蒸鱸魚，啖啖肉很飽肚。飲品方面，有可樂，忌廉鮮奶，花茶，烏龍茶等，而湯品就有滋補既人參雞湯， 潤肺青紅蘿蔔豬骨湯，好適合而家既秋冬時節飲用。當中暖身微甜既玻璃樽熱維他奶最受歡迎，甜品🍮就以芒果布甸，番薯糖水最出色。⚜️校長燒肉日韓料理荃灣沙咀道298號翡翠廣場2樓🌛月光太太