大尾篤麥師傅 (Closed)

今晚歡迎同事，大家提議燒烤，唔想自己買嘢，所以去呢啲燒烤場，同事話呢間燒豬好正，所以去呢度試下，乳豬要先過數訂，坐同事車來到，門口空地可以泊車，地方好大，水泥地，每個爐都有棚遮蔽，場內有幾隻唐狗，佢哋會偷吃，所以紙碟最好放在枱面，閒日可以坐到攞食物嘅屋仔附近，今日閒日無乜客，入場即刻比錢！一個人$100，小朋友要度高（135cm以上當大人）每人包一樣$8嘅飲料，要補差價！食物只係普通丸類、扒類同雞翼任燒，蔬菜蕃薯粟米菇類就要另買！醬料只包蜜糖，其他嘅另買（抵唔抵就自己唸，不限外帶食物，不過唔可以外帶飲料，去到已經好快開好爐，爐係石油罐，好闊好好燒食物用膠盆盛裝，叉好就燒，男店員又會燒下，間中攞啲燒好嘅食物比我哋，大家傾下偈飲下嘢就一晚！場內嘅食物雖然大路無驚喜，不過味道唔錯，尤其魷魚、牛扒同一字排，好淋唔韌，仲好入味，雞翼好滑唔會帶雪味！乳豬就要麥師傅開車送到，佢親自燒，都要燒大約一個鐘，佢會比我哋影相先斬，皮脆肉嫩，又唔會好肥！好好味！我哋外帶了海鮮，好好味！不過要買個網架燒海鮮（又$50）不過個網架就幾好用！架起好方便燒！店員服務就比較粗糙，例如門口阿姐，我哋到場時，問佢我哋訂咗豬