Marine Seafood Bar & More (Closed)

今日去觀塘日升中心，同個客傾Project。開完會本來打算，去開果間素食店食齋。點知未行到，轉角發現咗一間新開西式海鮮扒房，即時轉軚試新野。地方相當寬敞，裝修以黑色為主調，幾有格調。 睇下menu，食物價錢都幾合理，唔算太貴。生蠔仲要係9蚊隻，上FB like埋，仲有9折。 不過由於尋晚同班friend剛食完海鮮 Buffet，所以今日唔想食生蠔。 見到隔離檯食緊碟德國豬手，好似好好味，所以我都照跟，點了德國豬手，加多杯凍檸茶。凍檸茶同糖水分開上，客人可以隨自己口味調校甜度，很不錯。茶味比較淡口，但仍可以接受。德國燒豬手好大隻，配薯角，腌酸菜。 服務員很貼心，建議安排將豬手切件碎上，食起上來比較方便。豬手外表看來略為乾身，豬手皮卜卜脆，輕輕用刀一切就骨肉分離。皮下肉質保持嫩滑，沒有豬嘅腥味，入口仍可以食到肉汁，鹹香惹味。 而腌酸菜剛好可以中和豬手油膩感覺。由於有Wifi提供，下次可以同埋個客來，邊做邊傾個Project。