Video
Read full review
2017-05-27
632 views
午餐喺另一間餐廳中晒伏，諗住夜晚食呢間Amazake咁多好評應該實無死啦，點知墮入無間地獄，睇黎今日食神今日唔多眷顧我。Happy friday 七點半入座，去之前懶無book位仲擔心緊有無位，點知去到竟然只係得兩檯客，已經覺得伏味甚濃。星期五喎，七點半喎，中環喎，老蘭隔黎咋喎，唔通成個中環D人都O緊T？睇睇個餐牌，價錢一D都唔親民，不過中環食日本野，預左。因為小弟唔飲酒，所只happy hour唔岩我。野食就揀左海膽配麵包糠、帶子海膽墨西哥夾餅、Amazake Roll同埋鵝肝和牛炒飯。無心插柳之下幾樣想食嘅野都咁岩係有海膽。先黎嘅係海膽配麵包糠，賣相係幾好嘅，不過就真係剩係得個樣。我初頭以為佢會係類似係天婦羅咁，原來佢真係就咁海膽＋麵包糠墊底。海膽同麵包糠真係九唔搭八，怪就只怪我無睇清楚同問清楚。個麵包糠又唔係好食，凍冰冰，溝埋海膽又會搶晒佢D鮮味 (如果個海膽係新鮮嘅話)。唔計菊花同紫菜絲，$120大元，成碟野可以食嘅只係海膽 (同埋幾粒三文魚籽咁囉)。而主角海膽嘅質素就。。。。葵廣嘅海膽手卷都仲要新鮮過佢！！！食完第一道菜之後我地就非常擔心，因為之後仲有兩道菜係會用到海膽嘅，而
午餐喺另一間餐廳中晒伏，諗住夜晚食呢間Amazake咁多好評應該實無死啦，點知墮入無間地獄，睇黎今日食神今日唔多眷顧我。Happy friday 七點半入座，去之前懶無book位仲擔心緊有無位，點知去到竟然只係得兩檯客，已經覺得伏味甚濃。星期五喎，七點半喎，中環喎，老蘭隔黎咋喎，唔通成個中環D人都O緊T？
睇睇個餐牌，價錢一D都唔親民，不過中環食日本野，預左。因為小弟唔飲酒，所只happy hour唔岩我。野食就揀左海膽配麵包糠、帶子海膽墨西哥夾餅、Amazake Roll同埋鵝肝和牛炒飯。無心插柳之下幾樣想食嘅野都咁岩係有海膽。
海膽配麵包糠
$120
115 views
0 likes
0 comments
先黎嘅係海膽配麵包糠，賣相係幾好嘅，不過就真係剩係得個樣。我初頭以為佢會係類似係天婦羅咁，原來佢真係就咁海膽＋麵包糠墊底。海膽同麵包糠真係九唔搭八，怪就只怪我無睇清楚同問清楚。個麵包糠又唔係好食，凍冰冰，溝埋海膽又會搶晒佢D鮮味 (如果個海膽係新鮮嘅話)。唔計菊花同紫菜絲，$120大元，成碟野可以食嘅只係海膽 (同埋幾粒三文魚籽咁囉)。而主角海膽嘅質素就。。。。葵廣嘅海膽手卷都仲要新鮮過佢！！！
帶子海膽墨西哥夾餅
$66
64 views
0 likes
0 comments
食完第一道菜之後我地就非常擔心，因為之後仲有兩道菜係會用到海膽嘅，而食唔新鮮嘅海膽就好似食屎咁，貼錢買難受。跟住黎嘅帶子海膽墨西哥夾餅，個樣又係幾吸引，價錢亦合理得多，只係$66。上面係海膽+帶子+黑松露醬+沙律醬，因為已經知道海膽嘅質素所以無期望亦都無失望。但係呢碟嘅出事位係下層嘅紫菜天婦羅，唉，又凍又硬，都唔知佢炸定幾耐先拎出黎，一D誠意都無
Amazake roll
$140
50 views
0 likes
0 comments
主菜Amazake roll，海膽+吞拿魚蓉+三文魚籽，配搭上其實都無咩特別，海膽質素如一，叫價$140。中環價錢，葵廣(都不如)嘅味道。
鵝肝和牛炒飯
$138
73 views
0 likes
0 comments
最後一道鵝肝和牛炒飯，鵝肝+和牛+溫泉蛋呢個組合應該無得輸，但係。。。佢整到淡而無味，係咪唔記得落鹽？
總括來說，食物質素中下，真係唔知D笑臉係點黎嘅。
Post
