Video
Read full review
2019-07-26
461 views
預早同家人慶祝父親節，妹妹㨂咗金城小廚食飯. 點咗金錢雞，蜜汁叉燒，半隻燒鵝，椒絲腐乳炒通菜，豉油皇炒麵，炸蝦餅，百花釀茄子. 優點： 1, 居然有金錢雞哩d懷舊菜提供，肥豬肉軟滑，雞肝夠香，但終於好漏，食一件就夠哂. 2, 超怕食D硬叉，食到鞋口鞋面，金城嘅叉燒肉中帶肥，食落肉質軟夠 Juicy，甜味亦啱啱好，滿意! (^0^)/ 3, 通常出外叫通菜都係葉少”支”多，望埋去大碟D嘛! 明白嘅，今次叫椒絲腐乳通卻出奇地葉多”支”少，腐乳味香濃，滿意x 2 (^0^)// 4, 最最最正係炸蝦餅，平時食開炸蝦餅，總會炸得硬咗少少或太過彈牙，好似食魚蛋，今次炸蝦餅外層極脆口，但內裡又好鬆軟，人氣推介!!! 5, 即使咁多客咁旺場，仍然有咁嘅水準，已經好好囉，而且見到D侍應姐姐忙個不停，仍然俾到反應無hea 回，服務滿意鳥! 缺點: 1, 肥鵝真係肥得有D過份囉! (講完哩句再望吓自己個肚腩…. 有D……. ) 2, 環境比較窄，環境窄就引申兩個問題，好鬼嘈同冷氣略嫌不足! 3, 客人多，當然要排隊. 4, 餐廳唔收信用咭，好彩啱啱帶夠錢. 5, 價錢唔係大眾化.
優點：
1, 居然有金錢雞哩d懷舊菜提供，肥豬肉軟滑，雞肝夠香，但終於好漏，食一件就夠哂.
2, 超怕食D硬叉，食到鞋口鞋面，金城嘅叉燒肉中帶肥，食落肉質軟夠 Juicy，甜味亦啱啱好，滿意! (^0^)/
3, 通常出外叫通菜都係葉少”支”多，望埋去大碟D嘛! 明白嘅，今次叫椒絲腐乳通卻出奇地葉多”支”少，腐乳味香濃，滿意x 2 (^0^)//
4, 最最最正係炸蝦餅，平時食開炸蝦餅，總會炸得硬咗少少或太過彈牙，好似食魚蛋，今次炸蝦餅外層極脆口，但內裡又好鬆軟，人氣推介!!!
5, 即使咁多客咁旺場，仍然有咁嘅水準，已經好好囉，而且見到D侍應姐姐忙個不停，仍然俾到反應無hea 回，服務滿意鳥!
缺點:
1, 肥鵝真係肥得有D過份囉! (講完哩句再望吓自己個肚腩…. 有D……. )
2, 環境比較窄，環境窄就引申兩個問題，好鬼嘈同冷氣略嫌不足!
3, 客人多，當然要排隊.
4, 餐廳唔收信用咭，好彩啱啱帶夠錢.
5, 價錢唔係大眾化.
Post
