棋哥燒鵝餐室

Open Now

Now Closed

第二次光顧天后棋哥燒鵝，汲取左上次嘅教訓，我同老公今次特地輕裝上陣，因為座位真係好逼，冇地方俾你放外套放袋；上次食燒鵝雙拼湯瀨，唔知係咪浸住湯搞到燒鵝皮唔脆，今次我地學精左，叫佢另上。我點左份燒鵝拼叉燒湯瀨，一黎即刻試塊舊燒鵝，點知⋯皮唔脆的⋯肉係厚，亦唔算肥，但皮唔脆嘅燒鵝邊好食，果陣荔枝木煙燻味都補救唔到，我仲特登另上諗住俾多次機會佢，原來另唔另上結果都係一樣。叉燒唔算差，但唔夠鬆化，上次食好d。老公點燒鵝拼燒腩湯瀨，燒腩仔皮就好脆喇，肉質都係唔夠鬆化，同埋建議切細舊少少，切得太大舊喇。