燒味滷師 (富榮花園) (Closed)

燒味滷師 旺角海庭道16號富榮花園1期地下B號舖有麝自然香, 今日出了去奧運站搬野, 見到個招牌開到來奧運, 擴展速度認真厲害。屋企人幾喜歡的, 我有時返去探家人, 老媽買餸加料都會買呢間燒味,我同老豆都不知幾開心。今次買來自肥,至尊燒鵝鵝油多, 香噴噴多肉汁, 開分店都KEEP 到個水準一致。皮燒得靚, 迫出鵝油同肉香。好夠腍身同多蜜汁的叉燒, 呢個留比老人家,佢地好興煎多隻太陽蛋, 配個炒菜心, 自家整一碗黯然消魂飯。買多盒泰式鳳爪同老爸啤一啤, 酸甜中帶辣架汁, 風味十足, 經已去骨爽口彈牙。一大盒份量多又唔費, 幾十蚊比我地兩父子邊食邊看波, 不知幾過癮。客家鹽焗雞燒味令老媽唔洗咁辛苦係廚房炒菜, 都可以享受到一頓豐富架晚飯。