Video
Read full review
2017-08-21
45 views
香港人不嬲鐘意食雞煲、打邊爐，今次同朋友去左尖沙咀黃記煌試下佢地既燜鍋。聽講係大陸好出名，就睇下佢有咩咁特別啦。我地一坐低，侍應就放低左個竹炭花生，原來係餐前小食黎架。食落甜甜地，又香花生味。佢地既燜鍋可以揀雞、魚、豬、牛、海鮮等等，仲有唔同既醬汁，有辣有唔辣，任君選擇呀。侍應推介如果唔食辣既話可以揀招牌咸鮮汁，鐘意食辣既話就可以試麻辣汁，惹味得黎唔會太辣食唔到。由於我同朋友都鐘意食辣，所以最後揀左麻辣汁燜雞。我地另外仲叫左麻辣土豆絲同埋涼拌鮑片海蜇頭兩個涼菜。個土豆絲食落唔算好麻辣，食唔到太辣既朋友都可以一試。至於個涼拌鮑片海蜇頭，個汁既酸度好適中，好開胃呀，會食到停唔到口，正。係食緊涼菜既同時，侍應就幫我地開左個爐，仲拎左個好得意成個大花瓶既野黎。原來佢入面裝住哂所有既食材架。第一層放左好多蔬菜，有紅蘿蔔、洋蔥、青椒、紅椒、車厘茄、蕃薯、西芹、杞子、蒜頭、紅棗等等。個鍋熱左之後，侍應就倒哂d菜落去。然後就放第二層既雞肉，鋪係d蔬菜既上面。份量都唔少架，差唔多有大半隻雞。放好哂d材料之後，加左小小調味料同酒之後就上蓋開始煮。尼個時候侍應就將第三層既麻辣醬汁用個大匙羹攪返混同令到d醬冇
我地一坐低，侍應就放低左個竹炭花生，原來係餐前小食黎架。食落甜甜地，又香花生味。
佢地既燜鍋可以揀雞、魚、豬、牛、海鮮等等，仲有唔同既醬汁，有辣有唔辣，任君選擇呀。侍應推介如果唔食辣既話可以揀招牌咸鮮汁，鐘意食辣既話就可以試麻辣汁，惹味得黎唔會太辣食唔到。由於我同朋友都鐘意食辣，所以最後揀左麻辣汁燜雞。
我地另外仲叫左麻辣土豆絲同埋涼拌鮑片海蜇頭兩個涼菜。個土豆絲食落唔算好麻辣，食唔到太辣既朋友都可以一試。至於個涼拌鮑片海蜇頭，個汁既酸度好適中，好開胃呀，會食到停唔到口，正。
係食緊涼菜既同時，侍應就幫我地開左個爐，仲拎左個好得意成個大花瓶既野黎。
原來佢入面裝住哂所有既食材架。第一層放左好多蔬菜，有紅蘿蔔、洋蔥、青椒、紅椒、車厘茄、蕃薯、西芹、杞子、蒜頭、紅棗等等。個鍋熱左之後，侍應就倒哂d菜落去。
然後就放第二層既雞肉，鋪係d蔬菜既上面。份量都唔少架，差唔多有大半隻雞。放好哂d材料之後，加左小小調味料同酒之後就上蓋開始煮。
尼個時候侍應就將第三層既麻辣醬汁用個大匙羹攪返混同令到d醬冇咁杰。
大約煮十幾分鐘之後，就可以開蓋加埋d醬汁再煮。
煮多陣，加埋d芫茜就食得啦。全個過程係冇加過水架，係佢地既「無水烹調法」既，可以食到食物本身既原始味道。煮出黎d雞肉唔會好老，反而口感岩岩好，好嫩滑，同時又好入味喎。食到差唔多就可以加湯打邊爐。我地揀左d菜，手工松露墨魚丸同埋鮮蝦雲吞。
黎到既份量比預期既少，可能驚你太飽掛。
不過個手工松露墨魚丸的確好好食。好彈牙，而且好香松露味之餘又唔會太膩。
鮮蝦雲吞都唔錯，入面d蝦都好大粒，食落唔會淨係食到塊雲吞皮。
不得不提既係，原來係黃記煌飲許留山係平過出面既許留山架,一 杯都係＄29！我同朋友都叫左杯芒椰蘆薈爽，一邊食一邊飲，正！
總結黎講，對於鐘意食鍋物，打邊爐既朋友黎講，黃記煌的確係唔錯既選擇，一人消費都係三百蚊左右。座位都坐得好舒服，唔會好逼。而且唔會好大油煙，唔似平時食完雞煲一大陣味。侍應服務態度都好好，好友善。平時一班人黎gathering，都幾適合架。
Post
