映月樓

Open Now

Now Closed

星期三晚，我同朋友一行四人去左尖沙咀文化中心個間映月樓食晚飯，當晚入面唔係好多人，可以傾下計啦，不過佢地d食物及服務就真係.....唉 我地原本想叫個 $600幾蚊ge 四人套餐，不過個侍應生係落單前話散叫小菜的話，恆生卡有88折，所以我地就散叫左以下幾個小菜：- 乳豬燒味雙拼：叉燒肥左D，D乳豬就比較乾；- 竹笙蝦子豆腐：舊豆腐超大塊，不過D蝦子就唔見左；- 足料靚湯：木瓜雪梨響螺湯，D木瓜又唔見左兼無咩味；- 蟹肉炆伊麵：味道okay但是D蟹肉又再度唔見左；- 甜品：芒果布甸，椰林西米露，焗布甸，甜到有糖尿病；燥底事件.1食布甸時，諗住問d侍應攞花奶，攪左好耐都未有，再問個『經理』，佢就話佢地酒樓無花奶，我地咪話『你同事頭先又話攞俾我地?!』跟住用通訊機問邊個應承我地張檯...身為客人，我地點會理你地依d野喎，乜整布甸唔駛用花奶咩??燥底事件.2叫埋單，仲離譜。我地當然用恆生咭(因為佢話用恆生卡散叫有88折)，點知另一個侍應話恆生卡ge優惠7月尾已經完左，問我地係咪問另一張咭，我地咪話『你地同事頭先話散叫恆生有折架喎!』，佢堅持話『個優惠已停左』，仲話佢地日日都有briefing