Ocio オシオ (Closed)

我幾鍾意呢度嘅環境日系簡約風，入到嚟好舒服，啲位都算坐得舒服～有正餐有甜品，食過幾次都覺得質素好高。珍寶刺身帶子南瓜汁雜海鮮燴飯：好豐富好好味！帶子刺身新鮮彈牙，配上甜甜嘅南瓜汁，好滿足。海鮮燴飯入面有蝦、魷魚等等，飯香濕潤，海鮮鮮甜，會越食越開胃。是日餐湯係磨菇湯，湯底濃郁，磨菇味好出。甜品叫咗綠茶紅豆麻糬窩夫做甜品：窩夫整得好好味，綠茶味嘅窩夫入面仲要夾住QQ嘅麻糬，勁鍾意！加埋香甜手紅豆同雲呢拿雪糕，好睇又好食，份量仲要好大，兩個女仔食到捧住個肚走！