兩草 (白布街)

Open Now

Now Closed

今晚無意之中嚟到旺角，第一次見「兩草」抱著一試的心態，食咗碗好味到不得了嘅燶邊蛋多蔥煎肉餅飯，秘制豉油香濃甜滑，令成個飯味生色不少。天氣咁熱，飲杯冰凍檸檬薏米降降溫，食完曬之後，感覺舒服零負擔。餐廳播放住80、90嘅時代金曲，用嘅碗係我自己小時候食街邊生菜魚肉檔用嘅白底藍色花紋碗，而家係搵唔到嘅，可見店主好有香港情懷。之後再買多三個外賣返屋企三位少年人做晚餐，今晚就圓滿喇。希望介紹俾更多人欣賞呢間用心製作嘅餐廳。最後，因為啱啱放工太肚餓，唔記得咗影張靚相，有少少可惜。