Video
Read full review
2013-06-24
215 views
之前o係‘G'字頭團購公司以$109.00買原價$286.00o既一人日式豪華晚餐兩張同男友食，前日(22-6-2013 Sat)晏畫佢出油麻地聽講座，咁就約呢晚食啦，幾日前打o黎book7:30pm，點知職員話full o左，淨返6:00pm-7:30pm同9:30pm-11:00pm，咁我揀6:00pm啦。我o地o黎到後，見到原來呢o度唔係好大，而且見到廚房擺o左幾部微波爐，我o地被安排坐玻璃牆o既卡位，原本都好舒服，不過冷氣唔多夠。而因為佢o地知我o地食團購餐，就只須問我o地o係十安士美國上級肉眼牛扒同美國黑豚大蝦雜扒揀其中一款，我o地唔使揀，一樣要一個就得，前者要蒜蓉汁同眠成熟，後者要燒汁。之後等好耐，都有10分鐘，十安士美國上級肉眼牛扒到o黎，然後美國黑豚大蝦雜扒都到，兩個都熱騰騰o既，而睇見呢兩個餐包o左白飯，味噌湯同雜菜，而啲汁好少，我擔心要乾哽白飯，當我郁手想將件雞扒揭起睇吓啲雜菜，佢竟然係黐住塊鐵板 。所謂雜扒都已經少，雜菜份量亦都好少，好，食喇，件美國黑豚扒係薄切，味道呢，雞扒同豬扒味道都唔突出啦，而隻大蝦，竟然重係黐殻，亦都食唔出鮮味，而大概6件o既雜菜都燶o左
我o地o黎到後，見到原來呢o度唔係好大，而且見到廚房擺o左幾部微波爐，我o地被安排坐玻璃牆o既卡位，原本都好舒服，不過冷氣唔多夠。
而因為佢o地知我o地食團購餐，就只須問我o地o係十安士美國上級肉眼牛扒同美國黑豚大蝦雜扒揀其中一款，我o地唔使揀，一樣要一個就得，前者要蒜蓉汁同眠成熟，後者要燒汁。
之後等好耐，都有10分鐘，十安士美國上級肉眼牛扒到o黎，
然後美國黑豚大蝦雜扒都到，
兩個都熱騰騰o既，而睇見呢兩個餐包o左白飯，味噌湯同雜菜，而啲汁好少，我擔心要乾哽白飯，當我郁手想將件雞扒揭起睇吓啲雜菜，佢竟然係黐住塊鐵板 。所謂雜扒都已經少，雜菜份量亦都好少，好，食喇，件美國黑豚扒係薄切，味道呢，雞扒同豬扒味道都唔突出啦，而隻大蝦，竟然重係黐殻，亦都食唔出鮮味，而大概6件o既雜菜都燶o左，有苦味。 第一次食到咁差o既鐵板餐，男友話差過之前o係旺角同鑽石山荷里活廣場食過o既鐵板餐。
而肉眼牛扒反而做得唔錯，一路都重有肉汁且鬆軟，而且大大塊。
味噌湯內有豆腐粒同海帶，味道唔太鹹；白飯接近硬又唔粘，而因為真係冇汁，就咁乾哽真係好難食，男友於是問侍應攞多少少汁，佢都好好問男友個餐係咩o野汁，佢就畀返蒜蓉汁我o地。食完拎走鐵板後，張枱重係熱，而侍應問我o地要咩o野餐飲，我o地都要凍鳥龍茶，兩杯一齊到o黎，一杯多一杯少o既呢。
之後甜品﹣燒番薯雪糕到o黎，雪糕冇團購介紹咁高，而且都開始熔，係因為底o個個燒番薯，
雪糕係好濃郁o既雲呢拿味，幾滑，而紅豆蓉大約只有半茶匙咁多；最底o既燒番薯呢？都有一吋厚o既，
甜度係o岩o岩好，而且夠腍，OK o既。食完後叫埋單，要畀$58.00o既小費，高級啲o既女職員自動畀埋已包o既90分鐘任食美國黑毛安格斯牛肉、豚肉Shabu Shabu放題火鍋半價證兩張同473毫升Häagen-Dazs Summer Berries & Cream家庭裝雪糕兩盒。
放題火鍋半價證要o係7月底前用，如果唔係有Häagen-Dazs家庭裝雪糕送我都唔會買呢個團購。味道係3.5分，抵食以$138.00減Häagen-Dazs家庭裝雪糕($50.00)計，係2.5分。
Post
