爆丼屋 (Moved) New Location

再次來到旺角爆丼屋，呢間生意好好，唔過上餐速度好快。四重火山盛丼：裝盤好似座小山，中間紅色部分係拖羅蓉，由赤身、甜蝦、劍魚腩、帆立貝、紋甲魷魚合製而成，份量好多，口感綿密，幼細香滑，鮮味十足。三文魚籽粒粒爆汁，鹹鮮口感一流。加拿大海膽呈橙黃色，質感飽滿，帶有鮮甜味。鮮松業蟹肉絲肉質鮮嫩清甜。一碗就包含咁多想食啲嘢，好開心！重量級燒牛扒盛丼：滿滿啲牛肉睇就好滿足，牛肉嫩滑多汁，加埋燒汁讓人欲罷不能。味增湯都係好豐富，仲有牛肉粒、海苔、蘿蔔、豆卜。