和氣食堂 (黃大仙中心南館)

Open Now

Now Closed

平時好少去黃大仙, 見到有和氣食堂, 小妹二話不說就話食呢間因為之前食過沙田分店, 都好好食 估唔到平日既晚餐都爆場 好彩同朋友等左10分鐘左右就有位餐牌有好多款式! 小妹揀左以下: 三文魚牛油果沙律($68): 呢個沙律超足料, 有三文魚, 牛油果, 青瓜, 沙律菜, 份量夠多, 味道都好好 黑豚肩燒丼($75): 一上枱已經聞到黑豚肩燒過既香味, 豚肉味重 , 配埋佢個汁, 撈飯一流 海鮮四色丼($128): 有三文魚, 帆立貝,油甘魚, 甜蝦同蛋, 都好新鮮, 好滿足 黑松露鵝肝凡立貝卷($68): 呢個卷口感好豐富, 中間仲有鵝肝, 美味又邪惡 !千回火鳥3隻($38): 呢個雞翼係全晚最驚喜, 雞翼燒到岩岩好, 皮脆肉嫩, 好想食多幾隻, 只係38蚊, 超值! 燒日本廣島蠔2隻($48): 有兩種口味, 芝士同蒜焗, 小妹試左芝士, 蠔係新鮮既. 加埋芝士 呢間分店同沙田分店一樣有水準, 下次可以再encore