18樓雞煲火鍋專門店

Open Now

Now Closed

做左成日運動黎吸收一下蛋白質，獎勵下自己，呢間火鍋雞煲任食好抵，此乃同friends 雞煲聚腳地。雞煲醬超級濃味，雞肉份量兩個大男人食係有d唔夠喉，好在火鍋在後頭，飲品任飲，冬瓜茶咩烏龍茶汽水涼粉爽咩都有。每日仲有是日海鮮，今次係蟶子到，細隻但多肉。鮮蝦同菜係正氣野，上檯見新鮮，烚烚下爽爽幾好味。食野要食新鮮，尤其是海鮮！魚類例如脆肉鯇鱔片，新鮮就唔腥仲有鮮味。甜粟米蓮藕片鮮腐竹淮山同肥牛，各式丸類魚片頭都有，出面仲有自助軟雪糕。所以呢！成日爆場！