爆丼丼 (Closed)

爆丼丼位於平日搭開嘅小巴站頭，所以我已經留意咗一段好長嘅時間。門外嘅海報好吸引，每次都流晒口水咁，但次次都只係過門而不入，見佢可以响競爭咁大嘅荃灣生存到，應該都唔係泛泛之輩！今日我為咗避開人流，專登過咗 lunch hour 先去，去到入面一個人都冇，嚇得我吖！店內面積唔算大，但非常乾淨企理，坐得好舒服。最近有優惠，第二碗半價（以價錢較低計算）。所有今日一於試吓佢哋嘅鎮店之寶 - 四重爆丼，安格斯牛肉鵝肝丼（贈送飲品或味噌湯）。等咗一陣，四重爆丼就上枱喇！真係非。常。震。撼。真係同海報一樣，只係size 不似預期啫！你以為大大碗，其實只係同普通飯碗差唔多，但飯量都有一碗多啲，一般女士或細食男士都夠飽嘅！海膽佔咗一半，份量有一板咁多，仲4大隻帶子、佔咗1/4 嘅三文魚籽，中間有吞拿魚他他。海鮮新鮮冇異味，大口大口咁食，非常滿足。等咗十分鐘左右，安格斯牛肉鵝肝丼就上枱喇！因為佢要即叫即做，保證熱辣辣先好食。安格斯牛肉味道濃郁，牛肉分量好多，食極都有。牛肉烤至微焦非常香口，配以偏甜醬汁，配飯一流。鵝肝有兩大片，煎至脆邊入口即溶，原本以為唔夠飽，點知一碗就已經大滿足！以午餐嚟講，真係幾貴吓，但