Video
Read full review
2024-04-24
896 views
最新荃灣新開左主打爆汁生煎包嘅劉興記，都幾多人排隊，星期日晏晝都要等一陣先入到去。食物種類都幾多，除左包仲有各種上海麵食同小食，亦有套餐可供選擇。今次試左兩款生煎包 – 原味同蟹黃味。原味生煎包新鮮熱辣，包底煎得香脆，一咬立即湧出唔少熱辣辣湯汁，連埋豬肉一齊食好正！而蟹黃味亦都有幾多蟹肉喺個餡到，好有蟹肉香，同時帶有蟹膏香同淡淡薑味。而擔擔麵都幾多肉碎，麵質爽彈好掛湯！另一款排骨蔥油拌麵嘅味道比較簡樸，如果多啲蔥就更好，至於排骨炸粉好薄，炸到好脆身。仲叫咗12粒上湯雲吞，雲吞皮好薄好滑，餡料充滿肉香，一啖一粒岩岩好。飲品叫左豆漿，雖然分量比預期細杯，但充滿豆香味，亦唔會過甜。價錢幾親民，難怪咁多街坊幫襯啦！
食物種類都幾多，除左包仲有各種上海麵食同小食，亦有套餐可供選擇。
今次試左兩款生煎包 – 原味同蟹黃味。原味生煎包新鮮熱辣，包底煎得香脆，一咬立即湧出唔少熱辣辣湯汁，連埋豬肉一齊食好正！
而蟹黃味亦都有幾多蟹肉喺個餡到，好有蟹肉香，同時帶有蟹膏香同淡淡薑味。
而擔擔麵都幾多肉碎，麵質爽彈好掛湯！另一款排骨蔥油拌麵嘅味道比較簡樸，如果多啲蔥就更好，至於排骨炸粉好薄，炸到好脆身。
仲叫咗12粒上湯雲吞，雲吞皮好薄好滑，餡料充滿肉香，一啖一粒岩岩好。
飲品叫左豆漿，雖然分量比預期細杯，但充滿豆香味，亦唔會過甜。
價錢幾親民，難怪咁多街坊幫襯啦！
Post
