Video
Read full review
2017-06-19
121 views
西九行完街一出黎見到對面人山人海，究竟發生咩事呢！原來誠記開分店，好彩都唔係好多人，係花牌阻住我視線，等左一張檯就有位，呢到比舊鋪更寬敞更大喔，親！新鋪上任三把火，估唔到樣樣都咁出色咁好味，先講最唔出色既 #招牌蟹粉小籠包 既蟹味都幾強，唔會好似一般見到但又食唔到有蟹味，如果再多啲蟹粉會更正，不過 $36 有 4 隻咁既質素真係唔可以挑剔！再黎就食甜品，超爆抵食既 $25 #招牌八寶冰 真係滿到就黎漏，實一實咁，叫我情以何堪，Baby 大食就食得哂姐，你地叫就最好兩個人 happy share 一個，八寶冰入面有芋圓、小丸子、南瓜圓、地瓜圓、薏米、紅豆、西米、珍珠、仙草、煉奶，樣樣料都新鮮既，食唔到有隔夜既痕跡，絕對係好味夾抵食呀！但係寶寶係唔會話你知我開頭係為叫鴨而食架！大吉利是過你咩，唔係你諗果隻叫鴨喔，親 💜真係唔知開心定點，完全冇諗過咁大碗之下黎埋第二碗 🌝 呢碗 #招牌仙草奶凍 有芋圓、小丸子、南瓜圓、地瓜圓、薏米、紅豆、西米，又係好大碗，但係呢碗既仙草佔一半，不得不提呢碗野同 baby 一樣，又滑又 qq 😳 仙草真係巧滑喔，而且藥材味唔重比較易入口，而芋圓乜圓乜乜圓都好
新鋪上任三把火，估唔到樣樣都咁出色咁好味，先講最唔出色既 #招牌蟹粉小籠包 既蟹味都幾強，唔會好似一般見到但又食唔到有蟹味，如果再多啲蟹粉會更正，不過 $36 有 4 隻咁既質素真係唔可以挑剔！
再黎就食甜品，超爆抵食既 $25 #招牌八寶冰 真係滿到就黎漏，實一實咁，叫我情以何堪，Baby 大食就食得哂姐，你地叫就最好兩個人 happy share 一個，八寶冰入面有芋圓、小丸子、南瓜圓、地瓜圓、薏米、紅豆、西米、珍珠、仙草、煉奶，樣樣料都新鮮既，食唔到有隔夜既痕跡，絕對係好味夾抵食呀！但係寶寶係唔會話你知我開頭係為叫鴨而食架！大吉利是過你咩，唔係你諗果隻叫鴨喔，親 💜
真係唔知開心定點，完全冇諗過咁大碗之下黎埋第二碗 🌝 呢碗 #招牌仙草奶凍 有芋圓、小丸子、南瓜圓、地瓜圓、薏米、紅豆、西米，又係好大碗，但係呢碗既仙草佔一半，不得不提呢碗野同 baby 一樣，又滑又 qq 😳 仙草真係巧滑喔，而且藥材味唔重比較易入口，而芋圓乜圓乜乜圓都好 qq，但記住盡快食喔，因為好似朕咁慢慢嘆住黎食，最後就變到唔 qq 了！
重頭戲重頭戲！記住呢個 #招牌上海生煎包 係必叫！仲要一坐低就叫呀！！！因為製作需時，供不應求，都唔洗多講，一𠝹開，啲湯 ba ba 聲流出黎，係 ba ba 聲你明唔明！流湯既時間等同我急屎忍到屎既時間，代表咩呀，代表好多湯囉！全港最爆最多汁最好食既生煎包，當之無愧！
——————————————————————
#招牌八寶冰 (凍食) $25
#招牌仙草奶凍 (可凍食或熱食) $25
#招牌蟹粉小籠包 $36
#招牌上海生煎包 $26
——————————————————————
#誠記小籠包拉麵
深水埗欽州街 58 號米蘭軒地下 A&B 鋪 (新鋪)
深水埗醫局街 193 號 C 號舖 (主鋪)
Post
