堅信號上海生煎皇 (眾安街) (Moved) New Location

公司好近荃灣，而荃灣出名多好野食，所以成日放lunch 時都會過去荃灣食個lunch。呢排有d想食上海野，而咁啱又見到呢間食上海野嘅餐廳。我地叫左猪扒湯面，糖醋排骨，上海生煎包，無骨鳳爪，菠蘿咕嚕肉。鳳爪酸酸味味好開胃，上海生煎包更係呢間餐廳嘅招牌菜式，一咬開就爆曬汁，一定要小心食，好容易辣親條利。但最神奇係菠蘿咕嚕肉居然係齋來，佢嘅口感好特別，唔會好淋身，可以造到肉嘅彈牙嘅質感，真係好神奇！埋單個時發現呢間鋪頭仲有酸菜魚賣，下次可以試吓佢嘅酸菜魚正唔正宗！