尚海人家 (TKO Gateway) (Closed)

呢排仍然都係冇晚市嘅情況之下就只好去搵一啲餐廳外賣返屋企食今日去到坑口返完工就睇吓附近TKO Gateway有冇嘢可以買返屋企食，行過街市見到有一間叫做尚海人家嘅小店好似都唔錯成個鋪面同埋內在嘅環境其實都好乾淨見到有兩大盤整緊嘅生煎包非常之吸引由於我去買嘅時候已經係五點幾差唔多六點過咗下午茶嘅時段咁就冇八折但係價錢都係非常之合理嘅今日有少少肚餓於是乎就叫咗四隻生煎包一個蟹粉拌麵同埋杏仁茶個生煎包係佢哋嘅招牌菜可以揀2隻or4/6隻食嘅時候真係要小心啲呀因為真係會爆汁㗎！就算我買完外賣返屋企隔咗一段時間再食佢都仲係勁多肉汁超級Juice而且仲做到外層係脆脆地！而且裏便嘅肉嘅份量都唔少㗎呢一個蟹粉拌麵亦都做得相當之出色！份量其實好大碗㗎而且佢嘅蟹粉亦都唔少！拌麵味道非常之香濃而且蟹粉嘅蟹膏味好重！而家嘅面質亦都做得相當彈牙唔會淋唒最後就要講吓佢嘅杏仁茶杏仁味亦都好出眾，佢係潔身而唔係戲嗰一隻所以飲完係好飽肚成餐飯係超級滿足！