黑布小巷

Open Now

Now Closed

因為要試姊妹裙所以黎到荔枝角呢個地方，即刻上openrice睇下有咩好野介紹先！然後就見到呢間喺openrice排第一同埋最多好評既黑布小巷！可能由於時間尚早，當日可以唔需要排隊直接入座。入座之後掃QR code落單。美食就好快送到喇。一送到黎比呢個爆漿效果吸引到但係食落就覺得比較咸，同埋好滯既感覺。蛋餅就一般般，個胃冇位擺既話可以唔駛叫。呢個飯反而有少少驚喜！！個雞扒新鮮炸起，醃得好入味！！手工滷肉都唔錯，不過有骨，份量亦都太少，令到個飯比較乾。 如果多少少汁，個飯會好好多。總括黎講，d野食係唔錯，價錢都公道，但冇話去到好驚艷既感覺。如果唔需要排隊既話，都可以一試既。