Dough Bros Pizza & Doughnuts (MONTEREY Place)

Open Now

Now Closed

聽聞呢一間係人氣Pizza外賣店， 今日經過，叫左個Half Half Pizza 試下。夏威夷薄餅有蕃茄、水牛芝士、煙熏火腿、夏威夷香腸、菠蘿、牛至草。而食肉獸薄餅有蕃茄、水牛芝士、辣肉腸、牛肉丸、牛腩、墨西哥辣椒。Pizza餅底係薄批，批邊都幾脆。兩款對比，小編鍾意夏威夷薄餅多D。另外，餐廳仲附送左蒜蓉香草醬，個醬超好食! 食Pizza既時候一定要點！額外叫左個開心果白朱古力冬甩。冬甩上撒滿糖霜，一咬開，即刻爆漿。開心果白朱古力醬味道唔會太甜，值得一試。除左開心果白朱古力之外，仲有吉士、Nutella、檸檬、士多啤梨等等。順帶一提，呢一間外賣店Pizza 係即叫即整，所以要等15分鐘左右先有得拎。