Dough Bros Pizza & Doughnuts (MONTEREY Place)

Open Now

Now Closed

人氣Dough Bros外賣自取店 。除左Doughnut🍩出名之外，其實pizza🍕都好出色，自問對酵母麵包都好有要求，所以對Dough Bros既手工酸種餅底pizza真係情有獨鍾。 今次就試左 The Cheeseburger （$168）🍕 即叫即整既關係大約需要等15分鐘 最緊要拎到返屋企仲熱 煙靭嘅餅底再配合佢外賣附送嘅Sour Cream真係好出色！難怪Dough Bros長期都有咁多fans🍕❤️✨提提大家~Dough Bros做緊會員生日優惠🎂只要成為Dough Bro會員，就可以喺生日月份免費獲得一個pizza! 入會都係免費架！簡單又方便，生日嘅你記得唔好錯過啦✨📍 Dough Bros Pizza & Doughnuts 🍕🍩(MONTEREY Place) (將軍澳)將軍澳澳南海岸唐俊街23號MONTEREY Place地下G18A號舖@doughbroshk #doughdoughnuts #doughbros #doughnuts #donut #pizza #cheeseburger #takeaway #hkfoodie #foodporn #foo

成日都好想試呢一間嘅pizza適逢佢同外賣平台做優惠～特定嘅Pizza可以買一送一，所以就有藉口試佢啦！當日做優惠嘅Pizza係：The Pepperoni Supreme 至尊意大利辣肉腸薄餅餡料方面有：Tomato, Mozzarella, Pepperoni, Smoked Italian Sausage, Oregano番茄、水牛芝士、辣肉腸、意大利香腸、新鮮羅勒、牛至草🌿落咗單之後其實都好快送到嚟～由落單到送到屋企都只係用咗30分鐘度～兩個Pizza開出嚟都好靚仔😍dough bread嘅Pizza底比較煙靭～冇平時食嘅咁乾同脆～同埋佢配咗一盒sour cream醬料真係好match好好食！！！見到好多人都大讚佢個冬甩～下次嗌外賣會叫埋黎試吓呢

之前西貢見過呢間餐廳但個次唔想食pizza所以無試，係將軍澳見返佢就不得不試下酸種餅底pizza, 自己對麵包有要求，成日試唔同麵包店的出品，情有獨鍾都係搵酸種呀酵母麵包之類的產品，有次食pizza hut發現佢都出左酸種餅底，咁呢間餐廳個名都用dough就梗係要食下，叫左最穩陣味道，BBQ烤雞pizza, 外賣另附有一盒sour cream比我自己食前淋面，可能近屋企拎到返去都仲熱，dough bread底真係好有煙韌度，唔同平時既餅底係乾既麵包，佢有返應有既濕潤度，然後批既餡料調味都夾，烤雞肉香，配上sour cream完全唔覺渘，下次要試泰式風味的pizza，但都接近150元一個pizza仲要普通批size,確係價錢偏貴。

聽聞呢一間係人氣Pizza外賣店， 今日經過，叫左個Half Half Pizza 試下。夏威夷薄餅有蕃茄、水牛芝士、煙熏火腿、夏威夷香腸、菠蘿、牛至草。而食肉獸薄餅有蕃茄、水牛芝士、辣肉腸、牛肉丸、牛腩、墨西哥辣椒。Pizza餅底係薄批，批邊都幾脆。兩款對比，小編鍾意夏威夷薄餅多D。另外，餐廳仲附送左蒜蓉香草醬，個醬超好食! 食Pizza既時候一定要點！額外叫左個開心果白朱古力冬甩。冬甩上撒滿糖霜，一咬開，即刻爆漿。開心果白朱古力醬味道唔會太甜，值得一試。除左開心果白朱古力之外，仲有吉士、Nutella、檸檬、士多啤梨等等。順帶一提，呢一間外賣店Pizza 係即叫即整，所以要等15分鐘左右先有得拎。

我啱啱買咗一個黑松露pizza同埋一個 classic, 我仲要老遠由康城揸車去買，等咗半個鐘頭先至攞到，返到屋企發覺黑松露Pizza變咗Pepperoni，打咗30幾次電話都唔通，可唔可以話俾我聽應該點做？請問有冇人可以話俾我聽?

好多時食連鎖式嘅Pizza都唔好食，暫時呢一間係咁多間連鎖食pizza我覺得最好食嘅一間。佢嘅pizza size比一般嘅pizza細個，我覺得平時一個大pizza可以兩個人share嘅話呢，呢一個嘅話就最好嗌兩個。如果唔係真係會唔夠食。呢一個款嘅Pizza我個人推薦就係辣肉腸pizza，記得記得要加醬，佢嘅醬簡直係冇得彈。我覺得佢嘅醬款有少少似英國嘅其中一間大型連鎖店嘅Pizza醬料。呢度除咗pizza好好食之外，個人建議吉士冬甩都係勁好食，一定要買一個嚟試吓，記住拎張紙巾放喺大髀啦，因為啲醬料真係隨時候多到唧晒出嚟。

I live upstairs so I am a regular customer who frequently order from this marvelous pizza store. The pizza is hot and yummy, and the doughnuts are perfect as the desserts after meal. But in peak hours in festival like yesterday(it was valentine’s day), you’d better skipped it. I was so stunned to see the crowd in front of the shop when i went for order pick-up. People were waiting in long queue for both ordering and picking up food. I have to wait for almost 10 even though my orders are ready. F

原來呢間冇堂食, 係外賣APP叫左個$428餐(未計外賣費同discount)有2個pizza + 3隻冬甩+ 2罐檸檬梳打2個人1餐係食唔晒。揀左帕馬火腿薄餅,橄欖朝鮮薊薄餅。火腿黎到焗到熟晒變左呢隻色 2款味道都算OK啦, 橄欖朝鮮薊比較好食,多D料, 口感亦豐富d。但佢d羅勒係冇咩味, 完全食唔到應有既羅勒香, 失色。餅底有d失望, 食落冇咩麥粉香氣。附送既白色醬,應該係蒜蓉醬黎,個醬超好食!可自選3隻味, 3隻都普通, 好彩3隻都唔太甜(共中1隻佢反轉左入盒搞到D醬必晒出黎)Baileys milk chocolate - 好重Baileys味, 我覺得重手左小小, 可能因為個人唔太鐘意呢陣味(隻味唔係我揀),如果中意Baileys會覺得正!吉士醬 - 吉士醬黎講就比較普通(因出面好食吉士醬都唔少),唔算話好好食,中規中矩檸檬批醬 – 佢呢隻檸檬醬係似檸檬夾心餅入面個隻味,唔係我中意既檸檬醬味相信熱辣辣既話會好食返d既。可惜佢係冇堂食。

將軍澳Dough Bros. Pizza & Doughnuts.味道：8/10🌟抵食：7/10🌟環境：N/A🌟.放完聖誕假又準備放元旦啦🎆大家準備好party food 未呢？小編今次叫咗黑松露惹菌pizza同埋辣肉腸pizza🍕黑松露pizza好香，蘑菇好好味🍄整體味道都啱啱好👍🏻一定一定要叫埋佢個黑松露醬！超夾！😆辣肉腸pizza就正正常常，但搭配嘅蒜蓉及香草醬絕對畫龍點睛🧅，好食咗好多😋幾推薦兩款pizza🥰不過份蒜蓉包，整體有小小太油🥖出名嘅開心過甜甜圈都完全食唔倒開心果味🍩有小小扣分～.#香港 #食評 #foodie #食好西 #香港好去處 #拍拖好去處 #香港美食 #打卡 #觀塘 #觀塘好去處 #觀塘美食 #將軍澳 #將軍澳美食 #將軍澳好去處 #pizza #DoughBros

今日經過將軍澳南MONTERY Place，發現原來鼎鼎有名嘅Dough Bros係呢到開左一間分店。呢間外賣店主打經典手工酸種Pizza同爆漿冬甩，但往往其他分店都大排長龍。咁岩今日未食飯，又無乜人排隊就先試下個個經典手工酸種Pizza。 Pizza有分大同細，細pizza$88，大Pizza由$118至$178不等。想試多啲味嘅朋友可以叫半半($168)都得。我左揀右揀終於決定試下The Maui Wowie 。 The Maui Wowie (夏威夷薄餅) $138 呢個Pizza配料有番茄、水牛芝士、煙燻火腿，夏威夷香腸，菠蘿，牛至草。因為係酸種Pizza，餅底比平時普通Pizza更有咬口，煙煙韌韌，好好味。另外佢仲配埋一個芝士醬，加埋落Pizza到食，勁好味。以呢個價錢黎講，性價比超高！ 下次再幫襯一定要試埋佢個爆漿冬甩！ 

一直收藏咗好耐想試佢嘅Nutella Donut，今晚響附近食完晚飯終於試到喇！😍呢度以外賣為主，等候區非常寬敞，睇到店員為你準備嘅手工酸種pizza。所有pizza都係即叫即做，店員會提醒你等侯時間大概15分鐘左右。一邊聽住店內播放嘅音樂，一邊睇住製造pizza嘅過程好輕鬆好chill 😙🔸The Maui Wowie🍕我哋叫咗個Set for 1，有一個迷你pizza，一個donut，一罐飲品。即叫即做嘅pizza熱辣辣拉絲好正😍 夏威夷薄餅上面有蕃茄🍅，夏威夷香腸，菠蘿🍍，煙熏火腿🍖，濃厚水牛芝士🧀。pizza底鬆軟帶少少煙靭，夾埋配料啖啖都好豐富😋 好多人未必喜歡食pizza邊，但呢個不妨一試，因為佢會跟埋個蒜蓉及香草醬🧄🌿，批邊沾咗醬汁後完全打消放棄批邊嘅念頭😆🔸Nutella爆醬冬甩🍩，外表圓轆轆脹卜卜，表面沾滿砂糖但份量啱啱好。一咬開Nutella醬真係爆出嚟🤩 香濃嘅榛子醬好滑，夾埋軟熟嘅冬甩好滿足🤤

夜晚肚餓，買左個pizza同doughnut同屋企人食，外賣自取有折，落單大約十到十五分鐘倒就攞得。一到手即刻開左冬甩趁熱食，勁鬆軟嘅口感，揀左棉花糖朱古力，呢個組合預左係比較甜，但又無我想像中咁甜，熱食勁好食，溶左嘅棉花糖同朱力醬夾埋超幸福的，一定要趁熱食☺️個批係邊厚中間薄果種，條邊幾好咬口，個批唔會太咸，調味幾好，個茄味係偏清新果種茄味。唯一問題係切得太uneven 🤣不過唔緊要啦，反正有人鍾意大件有人鍾意細件，剛好唔洗煩。佢有盒醬跟，不過我都唔記得左點來食，所以no comment on 個醬。

酸種麵包大家都食得多，Pizza又試過未？將軍澳Donki附近有間叫Dough Bros Pizza ＆Doughnuts，主打係酸種Pizza和冬甩，外賣薄餅專門店，有好多種口味可以選擇，仲係即叫即整，今次試了夏威夷薄餅及松子青醬意大利炸燉飯球夏威夷薄餅薄餅餡料相常豐富，食落口感煙煙韌韌，每個 Pizza 都會跟一個酸忌廉汁，醬汁又香又濃用來點批邊食更添豐富松子青醬意大利炸燉飯球意大利炸飯球外脆內軟，中間滿滿松子青醬及芝士，配埋意大飯炸成，食落唔會覺得太硬同太漏，口感煙韌，幾好味

爆醬冬甩$98@3個除了薄餅出名 冬甩十分推薦 冬甩即叫即炸 炸好再唧餡料 所以落單後都要等15-20分鐘冬甩表面糖粉有兩種選擇1) White Sugar或者2) Cinnamon Sugar新鮮炸好的冬甩 外面灑滿糖粉 咬落去好軟熟 不會太乾 餡料勁多 咬落去會有爆醬效果 榛子可可醬  - 香濃榛子可可醬的味道 但不會太甜 最令人印象深刻吉士醬 - 吉士醬是預想中的味道 香濃吉士醬加冬甩 是美味的組合檸檬批醬 – 真的有檸檬批的味道 是三個之中最清新的 味道帶酸餐廳主打外賣生意 只有少數等候位置可以短暫地坐一坐

呢間主打即叫即整既手工酸種pizza外賣店，有十幾款唔同口味。仲有必食既爆漿Doughnuts，落完單大概要等15分鐘，拎到外賣個時pizza係熱辣辣🌟The Truffle $178pizza批邊煙韌又唔會過厚，表面有黑松露醬、芝士、火箭菜和蘑菇打開已經聞到香濃黑松露味道，同芝士味道好夾配上火箭菜有微微辣味，味道更豐富 🌟Half n half Pizza $168如果你有好多味想試，仲可以叫Half n half，可自選兩款唔同嘅口味The Pepperoni Supreme三款入面最鐘意既味道，有番茄、水牛芝士、辣肉腸、意大利香腸等，酸辣口味好好食The Pepperoni平時好少見既味，有卡邦尼醬、芝士、煙肉、蛋黃，芝士味幾濃，真係幾似食緊Carbonara🌟Nutella Doughnuts $38🌟Oreo chocolate Doughnuts $38係好邪惡既爆漿Doughnuts，炸到金黃色既Doughnuts，表面沾滿糖粉，中間係滿滿既榛子醬和朱古力醬，每咬都會食到榛子醬和朱古力醬，味道比較甜少少🌟San Pellegrino Lemon $20🌟San Pelle