So Doughlicious (Closed)

小店位於葵涌廣場3樓，主打即叫即炸冬甩，每日新鮮手搓麵糰，自家製，天然食品，感覺無咁邪惡，另外亦有幾款麵包類同小食供應，小店嘅位置唔算太難搵，所以都唔洗驚會迷路，經過不妨一試～ 見店員現場製作Doughnuts，口味有7款，我全都要！榛子朱古力、伯爵茶、咖啡、吉士、檸檬、藍莓同士多啤梨，外層炸至脆身，鋪滿砂糖，餡料飽滿，咬落爆漿，甜度適中，唔油膩，性價比高，新年可以開心share！Sandwiches有3款，冇諗過咁大件，手撕豬啖啖肉，條條分明，帶點辛辣味，上面有滿滿沙津菜同醬汁，中和整體油膩感，包皮帶淡淡香氣，外層微脆，內裏軟熟，整體層次感豐富🥪小食方面店員推介Potato Bites，果然無介紹錯，即叫即炸，粒粒洋蔥，食落有口感，香口惹味，唔覺唔覺就食完，另外有Spring Roll，炸至金黃酥脆，皮夠薄，芝士味濃，點埋自家製醬汁，正！